Seminario de economía circular

O mércores 20 de decembro celébrase no polígono Pocomaco a través da Asociación de Empresarios, un seminario sobre economía circular organizado pola CEC en colaboración coa Xunta de Galicia. Este seminario se engloba dentro de un ciclo de seminarios e está dirixido ao tecido empresarial da provincia, co fin de impulsar a economía circular como oportunidade económica, estratexia empresarial e mellora ambiental.

O fomento da economía circular proposto pola CEC, materialízase no lema: "Vírate Verde!", como alusión da alternativa que ofrece a economía circular ao modelo de produción e consumo actual.

Os seminarios, de 4 horas de duración, serán dirixidos por profesionais vencelladas á sustentabilidade e responsabilidade social empresarial, así como á xestión de procesos participativos. 

Os contidos que se abordarán nas distintas sesións son os seguintes:

• Problemática ambiental actual
• Que é a economía circular?
• A economía circular no marco da Unión Europea, España e Galicia
• Ferramentas de economía circular
• Exemplos de proxectos empresariais de economía circular
• A activación da intelixencia colectiva para promover a innovación en economía circular

A asistencia é gratuita, pero require inscrición.

Documento informativo: Seminario de economía circular

https://noticias.cec.es/index.php/2017/11/30/virate-verde-iniciativa-da-...